صبحية العرسان العراقيين شوفوهة ولله اتموت ضحك

هلوشلة مثل ماتعرفون انه العادات والتقاليد الي متعارف عليها
ثاني يوم العرس انه العريس الي مصموط ابو ابو لازم ايجيب هديه
لعروسته يعني ابصباحيتها طبعا هاي من غير النيشان والمهر وطبعا
العروس راح اتكون بقمه السعاده والفرح وهي تاخذ الهديه من زوجها
المسموط وطبعا الهديه المفروض اتكون رمزيه ياما اتكون مداليه ذهب
او محبس او تراجي واضعف الايمان ساعه كل هاي والعروس شايله
خشمها ومعاجبها الوضع

طبعا هذا الحجي على نسوان هسه الي كل شي ميعجبها خو مو مثل نسوان قبل ابكلشي تقبل
هسه مثلا ام رحومي زوجها المحروس ابو رحومي قدملها ابيوم الصباحيه مالتها نعال ابو الاصبع وهي طارت من الفرح اصلا من فرحتها بالنعال خلته ابيطار وضمته بالبوفيه مالتهم حتى تبقه ذكرى دائميه الهم خو ام جبار هاي بعد اضبط لان ابو جبار كلش يعزها ومن كثر معزتها بقلبه جابلها ابيوم الصباحيه مالتهم درزن كلاصات حتى تتباها بيها كدام ام رحومي لان ابورحومي قدم لام رحومي نعال ابو الاصبع وهي ابو جبار جابلها درزن كلاصات والكلاصات تستفاد منها بعده اشياء يعني مثل تشرب بيها ماي وتشرب بيها لبن وتشرب بيه شربت بس النعال شتسوي بي جان ام رحومي اجاوبها لا عيني النعال اكشخ على الاقل امشي بي بدل ما امشي بي حافيه بعدين الكلاصات تكدرين تستغنين عنها بس النعال محد ميكدر يستغنى عنه لان محد ميمشي بليه نعال وبعدين النعال مرات يستخدم ابغير مجالات يعني مو بس بالرجل يستخدم لا مثلا ينركع على الوجه ايسويلج نقشه توب بحيث متحتاجين للصالون لو على ظهرج ايسويلج وشم

بس ام قاسم طلعت هي اضبط منهم لان ابو قاسم جابلها هديه ابيوم الصباحيه مالتهم باروكه صفرة وباروكه حمرة لان مثل متعرفون ابذاك الوكت مجان اكو اصباغ يصبغون بيها الشعر فالنسوان ابذاك الوكت تستعمل باروكات حتى اتبين حلوة واصغير حتى لو هي بكد بيبيتي خو مو مثل نسوان هسه كل وحده سوده امصخمه رايحه صابغتلي شعرها اصفر على اساس هي شكرة وهم اجمال اتجيب واطوخ بالصفار مالتها وكلها كم يوم والصبغ ايروح وشعرها ايصير ملون وهي سوده وشعرها املون اتخلي اكبر رجال ايصير بي صفنه مثل ابو ستار المسكين من حطته ام ستار المكياج الوحشي مالتها ضل صافن من سنه 2003 لحد هسة

خنفشارية انفلاقية شكاكية تموت اتضحك اشكك اتملخ هع هع