يبنية لا تزعلين

لا تزعلين
شتصيرين.. لوحة موناليزا ودوم تنحبين
واذا حبيت غيرج مني لتزعلين
لأن انتي معلمه تحبين
واحد عشرة او عشرين
وتبيعين عادي بكلشي ما تفكرين
حسبالج كلوب الناس لعبه وبيها تتسلين
يا قالب ثلج هم باجر تذوبين
يا وردة حسن بالحسن تتباهين
هم يكضي الربيع ولازم تذبلين
شتضنين ..هاي الدنيا مو دولاب
انتي اليوم فوك وبعد ما تنزلين
تتندمين والله وداعتج ياحلوة تتندمين
من تبقين كلج عين وكبال العمر تبجين

***

يابنت الناس سمعيني ودرسي دروس مدروسه
واخذي الصافي من عندي ولاتفرحين بالهوسه
تره الي يشتريج بمال باجر تخلص فلوسه
تره الي يطلب اللذه يمل بس ياخذ البوسه
اول ساعه محروسه
وثاني ساعه ملبوسه
وتالي العمر ياحسره
لو بالشارع تضلين لو بالسجن محبوسه

للشاعر المتالق ( ضياء الميالي )