اريد اسئلك يا وطن

اريــد اسألك ياوطــن




يـا گمـر تغـسل سـواد وجوهـهـم

يا نجـم تزرع ضـوه بدروبهـم

يا شمــس منـك صبحهــم

يـا وطــن

طفوك شمعــه بعارهــم

موت الكــرفهــم

........

اريــد اسألك

ليــش بــس انتــه المصايب تشتهيــك ...؟

ليـش چـتالك طلـع منـك وبيـك ... ؟

ليــش علاسـك بيتـك

باعـك بأرخـص ثمــن لليشتريـك ...؟

ليـش اخـوك ... ليـش جارك... وبن عمك

يشعـل الفتنــة شماتــه

وخنـجره مزروع بيـك ...؟

حتـى تاريخـك مگبــح

ما يمــر ينشـد عليــك

ليــش صار اسمـك حشــاك ... ؟

دورت كـل المنافــي

مـا شفــت يـسوه سـواك

........

اريـد اسألك يا عــراق

ليـش بـس اهلـك حسافــه

ارقـام ساعات الدفـــن ... ؟

والرقــم يبلـع رقــم

لا مكـان يگول آخ

لا تمـر دمعـه على خـد الزمـن

وحنــه بالغـربـه نمـوت بلا وطـن

لا حبايب ... لا دموع .. ولا شجـن

مهجريـن... مغربين ... وضايعين

نساوم بسـوك المحــن

نبيــع فرحتنــه رخيصــــه

المشتري منــه وبينـــهه

يبيعنــه ومـا يشترينـــه

ارقـام صرنـــه

اصـوات صرنــه

خـــرده صرنـــه

مكدســـه بجيــب السياسـه

بســوگ اهلنـــه

رخـص دمنــــه

ليــش بس احنــه صبرنـــه

شايــل الدنيــا صبــــر ... ؟

ليــش بالغربــه البعيــده

موتنــه مطشــر على جرف المقابر...؟

تايــه بـروج البحـــر

صـرخــه يتيمـــه

ضاعــت بغيض البحــر

ورواحنــــه ....

عطشـانــــه شوگ

مـگبعـــه بـرد الشواطــي

ادور بدمــع النـوارس

عـن وطــن چـنـــه العـراق